Izaera ezberdineko talde anitzek osatzen duten proiektua da Ganbara Faktoria, osagai ezberdin eta ondo bereiztuek eltze batean uztartzean osatzen duten jaki goxoaren parekoa.
Osagai ezberdinek halaber, berekasa, identitate eta gorputza dute, Ganbara Faktoria osatzen duten taldeek duten bezala: Ganbara Kantu Eskola (Tailerrak, Ganbara Txikitxo, Ganbara Txiki), Hots Abesbatza eta Ganbara Abesbatza.
Talde guztiak, behar denean bakarka, behar denean taldean, helburu amankomun bat dute, abesbatza musika bultzatzea eta biziraupena bermatu ahal izateko, musikarekiko zaletasuna mantentzea.
Izaera ezberdineko talde anitzek osatzen duten proiektua da Ganbara Faktoria, osagai ezberdin eta ondo bereiztuek eltze batean uztartzean osatzen duten jaki goxoaren parekoa. Osagai ezberdinek halaber, berekasa, identitate eta gorputza dute, Ganbara Faktoria osatzen duten taldeek duten bezala: Ganbara Kantu Eskola (Tailerrak, Ganbara Txikitxo, Ganbara Txiki), Hots Abesbatza eta Ganbara Abesbatza.Talde guztiak, behar denean bakarka, behar denean taldean, helburu amankomun bat dute, abesbatza musika bultzatzea eta biziraupena bermatu ahal izateko, musikarekiko zaletasuna mantentzea.
Oñatin abesbatza musikaren biziraupena bermatzeko eta herriko haur zein gaztetxoengan musikarekiko zaletasuna sortzeko helburuarekin gorpuztu zen 1994an GANBARA FAKTORIA proiektua, adin ezberdinetako taldeei merezi eta behar duten tokia eta ordezkaritza emanez: hala nola, Tailerrak, Ganbara Txikitxo, Ganbara Txiki, Ganbara Gazte Abesbatza, Hots Abesbatza eta Ganbara Abesbatza.
Hots Abesbatza, Oñatiko Ganbara Abesbatzaren oinarritik sortutako emakume abesbatza da. 2016 urte bukaeran sortu eta Oñatiko zein inguruko herrietako eta probintzietako 40 emakume eta gizonezko batez osatutako taldeak, maila handiko errepertorioa eta kalitate musikala eskaintzen ditu, garai guztietako musika interpretatuz.
Oñatiko Ganbara Abesbatza 1994an sortutako ahots nahasien abesbatza da musika korala jorratu, gozatu eta bere mailarik gorenera eramateko helburuarekin. Hasierako ilusio berarekin, egun 40 pertsona inguruk osatzen dute taldea.
Oñatiko Ganbara Abesbatzaren babespean, herriko musika zaletasuna eta haur abesbatza arloan ikusiriko hutsuneak bultzaturik eraikitako eskola dugu; 3-18 urte bitarteko haur talde desberdinez osatutako Oñatiko Ganbara Abesbatzaren harrobia: musika korala ezagutu, musikaz heziz, jolastuz, kontatuz, kantatuz, ikasiz eta haziz jasotako familia.
Aequus Ensemble Euskal Herriko hainbat lekutako musikariek osatutako talde instrumentala da, eta musikari profesionalei eta hari-instrumentuen ikasleei (musika eskolako edo kontserbatorioko 4. maila) errepertorio erakargarri eta zorrotza jorratzeko aukera ematen die. Harizko talde oinarri batekin, Aequus Ensemblek errepertorio sinfonikoa ere lantzen du. Gainera, Aequus Ensemble Ganbara Faktoriako kide da, eta, horri esker, programa sinfoniko-koraletan ere parte hartzen du. Gainera, musika instrumentala sustatzeko helburuari jarraituz, Aequus Ensemblek kontzertu didaktikoak antolatzen ditu instrumentista eta musika-ikasle gazteentzat.
Norberaren ahotsa sorginkeri indartsua izan daiteke. Ahotsak konbentzitzeko balio du, egiak esateko, istorioak kontatzeko. Musika ere sorginkeri hutsa da, emozionatzeko balio du, jendea batzeko. Ganbara faktorian sorginkeri indartsuena lortzeko helburua daukagu, eta horretarako ahotsa eta musika kantuan batzen ditugu. Gurekin magia egiteko gogoak dituzu? Faktoriaren baitan hainbat aukera desberdin proposatzen dizkizugu: Hots abesbatza (ahots zurien abesbatza), Ganbara abesbatza (ahots mistoena) eta Ganbara Kantu eskola besteak beste. Guztien xedea zure potereak handitzea da, zure ahotsa erabiltzen irakastea teknika klaseekin eta musika egitea talde giro ederrean. Ezagutu nahi zaitugu, sorgindu gaitzazu zure ahotsarekin eta egin dezagun guztion artean magia.
* Aurten, Music Training ere eskaintzen dugu adin guztietarako!
Ganbara Faktoriako taldea osatzen dugunok oso harro gaude hainbat eta hainbat jarraitzaile zintzo eta leial izateagatik. Ganbara Faktoriako taldeak egitasmo berriei ekingo die laster eta erronka horiei behar bezala erantzuteko LAGUN izateko beste modu bat eskaini nahi dizuegu.
Gurekin harremanetan jartzeko interesa izanez gero, ondoren zehaztutako telefono edo/eta helbidera zuzendu zaitezke. Edo, nahi izanez gero, zuzenean mezu bat idazteko aukera ere baduzu. Lehen bait lehen erantzuten saiatuko gara.