10 urte baino gehiagoko ibilbidearekin, Aequus Ensemble-k proiektu artistiko ugaritan parte hartu du hainbat abesbatza talderekin batera. Adibide gisa, A. Vivaldiren Gloria, G.B. Pergolesi-ren Stabat Mater, W.A. Mozart-en Requiem edo G. Fauré-ren Requiemetik, musika garaikidea den O. Gjeiloren Sunrise Mass-eraino aipa ditzakegu.
Euskal Herriko hainbat lekutako eta adin ezberdinetako musikariz osatutako taldea da, sortu zenetik Aitor Biain Bidartek zuzendua. Berriki Ganbara Faktorian sartu da eta, abesbatza taldeekin duen lankidetza alde batera utzi gabe, bere ibilbideari ekin dio programa propioak eginez. Bere azken interpretazioen artean, azpimarratzekoak dira W.A. Mozart-en Divertimento Kv. 138, F. Mendelssohn-en Harientzako 10. Sinfonia, B. Britten-en 4. Sinfonia Sinplea edo J. Sibeliusen Impromptu 5.
Ilusioz beteriko hogeita hamar hari instrumentu musikarik osatua, proiektu desberdinak gauzatzeko asmoz taldea haize eta perkusio-joleekin osatuko da laster, honela L. V. Beethoven, F. Schubert edo F. Mendelssohn-en programa sinfonikoak interpretatzea ahalbidetuz.
Horrez gain, musika instrumentala sustatzeko helburuari jarraiki, Aequus Ensemblek kontzertu didaktikoak antolatzen ditu instrumentujole gazteentzat eta musika ikasleentzat.
Klarinete, saxofoi eta kantu ikasketak egiten hasi zuen musika ibilbidea (Oñatiko Musika Eskolan). Ondoren, Kantu ikasketak (Jesús Guridi Musika Kontserbatorioan), Musikaren Pedagogia ikasketak (Musikenen), Abesbatza eta Orkestra zuzendaritza ikasketak (Musikenen) eta Investigación musical masterra (UNIR) eta Gestión Cultural formakuntza jaso du. Bestalde, informatikan Ingeniaria da Mondragon Unibertsitatearen eskutik. Hainbat zuzendaritza ikastaro eta seminario egin ditu ospe handieneko irakasleekin. Euskal Herriko Unibertsitateko abesbatzaren, Bergarako Orfeoiaren, Oñatiko Ganbara Abesbatzaren, Hots Abesbatzaren eta Ganbara Gazte-Txikiren zuzendaria da. Hainbat eta hainbat sari irabazi ditu, tartean Zuzendari onenari emandako bi sari (Tours/Frantzia eta Arezzo/Italiako nazioarteko lehiaketetan). 5 disko grabazio zuzendu eta editatu ditu eta 30 lanetik gora estreinatu. Aldizka, tailer eta seminarioak ematen ditu. KUP Taldean abesten du. Honekin batera, Oñatiko Musika Bandako zuzendari da eta baita Aequus Ensemble orkestra sinfonikokoa.
2019-21 denboraldian EHGA (Euskal Herriko Gazte Abesbatza)ko zuzendari izan da Basilio Astulezekin batera.
Elkarte edo pertsonaren bat gurekin kontaktuan jartzeaz interesatua balego, segidan zehazturiko telefono edo/eta helbideetara zuzendu daiteke. Edo, nahi izanez gero, zuzenean mezu bat idazteko aukera ere badago. Ahal bezain laster erantzuten saiatuko gara.